ഈ ഒന്നാണോ ആ ഒന്ന്...??ഒന്നിനൊന്നോടു
വേറിട്ടൊരു ഒന്ന്
തോന്നിയാല്‍
ഉപമിക്കാനാവില്ലതിനെ
മറ്റൊന്നിനോട്
അത് പ്രണയം.
എങ്കില്‍...
എനിക്കറിയാം,
നീ വിചാരിച്ചിരുന്ന
ഒന്നായിരുന്നില്ല ഞാന്‍.
എനിക്കറിയാം,
ഈ പ്രകടനമത്രയും
പ്രകടമായത്,...
രണ്ട്‌ മാത്രമായിരുന്നെന്ന്.
ഞാന്‍ ഉദ്ദേഷിച്ചതെന്തോ
അതായിരുന്നില്ല ഞാന്‍
ഞാന്‍ കണ്ട സ്വപ്നങ്ങള്‍
അതായിരുന്നില്ല നീ
പിന്നെന്തിനു ഞാനിത്ര
അസ്വസ്ഥനാകണം?
നീ തേടിയത്
കിട്ടിയെന്നു പ്രതീക്ഷിച്ചു
നിന്റെ പ്രതീക്ഷ
ഞാനായിരുന്നെന്നും പ്രതീക്ഷിച്ചു
പക്ഷെ...
ഞാനത് ആയിരുന്നില്ല
ഇനിയൊരിക്കലും
ആയിരിക്കുകയുമില്ല...
നീയാഗ്രഹിച്ചതും,
നീ തേടിയതും.
ഇപ്പോള്‍
എല്ലാം കൂട്ടിക്കിഴിച്ചു നോക്കിയപ്പോള്‍
പകലറിവ് പോല്‍ ഒന്നറിയുന്നു
ഒന്നും ഞാനുമൊന്നാണെന്ന്...
വെറുമൊരു ഒന്നല്ലാതെ,
ഒന്നുമല്ലാത്ത
ഒന്നില്‍നിന്ന്
ഒരൊന്നെടുത്താല്‍
ഒന്നുമില്ലേ?
അങ്ങനെയെങ്കില്‍...
ഇനിയാ
പ്രണയത്തിന്റെ ഒന്ന്
ഇതെങ്ങാനുമാണോ ആവോ...??
nice................
മറുപടിഇല്ലാതാക്കൂ