നീലയില്‍ ചുവപ്പരണ്ടമഞ്ഞ
വിയര്‍ത്തുണങ്ങുന്ന ക്യാന്‍വാസ്...
"ആവര്‍ത്തനങ്ങളുടെ ദുരന്തം"
അതില്‍ കോറിയിടുന്ന
പെണ്‍കുട്ടിയിലായിരിക്കണം ആദ്യ ഫ്രൈം.
പാര്‍ശ്വവല്ക്രതരാണ്
ചുവരിലെ പല്ലി,
കറുത്ത ചാവാലി പൂച്ച എന്നിവ.
പകരം ഫ്രൈമിലേക്ക്
ഇരുള്‍-വെളിച്ചങ്ങളുടെ
"ശ്യുറാസ്‌ക്യൂറോ"-യില്‍
നീല രക്തം നനഞ്ഞുറുന്ന കണ്ണുകള്‍,
പൊട്ടിവീഴുന്ന മുത്തുമാല,
ചില്ലുപാത്രത്തിലെ
തുടിക്കുന്ന വര്‍ത്തുളതയില്‍
ഒരു സ്വര്‍ണ്ണമത്സ്യം
തെളിഞ്ഞു മങ്ങുന്നത്...
അതങ്ങിനെ വിവിധ ആങ്കിളുകളില്‍
ഒട്ടിനില്‍ക്കണം.
ഇനി "സൂം" പോകേണ്ടത്
മേശപ്പുറത്തെ കോളര്‍-ട്യുണിലേക്ക്.
നടുക്കം,
ചെവിയിലൂടെ വായിച്ചെടുത്തെക്കണം.
ഡിസോള്‍വ്:
ഇരുളിന്റെ ചെവിടടപ്പിക്കുന്ന ഒച്ച
പാളങ്ങളില്‍ കിതച്ചോടുങ്ങുന്നേരം
അവനിലെ അപ്രാപ്യമായ സ്നേഹദൂരങ്ങളില്‍
ഒരു വേള അവളോട്‌
നിഴലിന്റെ മൗനം പുരണ്ട
അലര്‍ച്ചയായത്...
"വ്യര്‍ഥമായ ഈ ആവര്‍ത്തനങ്ങള്‍ എന്തിനായിരുന്നു...?"
ഷാര്‍പ്പ് കട്ട്:
നിഴല്‍ പിരിയുന്ന വഴിയില്‍
മറവുചെയ്യപ്പെട്ട ഒരു ചോദ്യത്തിന്റെ
ശേഷിപ്പുകള്‍ക്ക് അടിക്കുറുപ്പ് എഴുതിയത്
ബ്രഷ് ഒളിച്ചിട്ട വഴികളില്‍
കടും ചുവപ്പ് ചേര്‍ന്ന ചായങ്ങളുടെ ആലക്തികത.
സാക്ഷി:
നിഴല്മുനകളില്‍ പമ്മി മേയുന്ന
ചൂട്ടുവെളിച്ചതില്‍
അതുവഴി പോയ
"ആവര്‍ത്തനങ്ങളുടെ ദുരന്തം" കണ്ട
ഒരു വഴിപോക്കന്‍.
നിഴല്മുനകളില്‍ പമ്മി മേയുന്ന
ചൂട്ടുവെളിച്ചതില്‍
അതുവഴി പോയ
"ആവര്‍ത്തനങ്ങളുടെ ദുരന്തം" കണ്ട
ഒരു വഴിപോക്കന്‍.
ഇനിയൊരു ഫ്ലാഷ്ബാക്ക്...
പഴകി നീലിച്ച ഈര്‍പ്പം
പൊതിഞ്ഞുപിടിച്ച
സെപിയ ഫ്രെയ്മില്‍
അസ്ഥികളെ കിടുകിടുപ്പിച്ചു
കുളിരൂതുന്ന ശൈത്യകാലം.
നഖമുനകള്‍ക്കും പനിനീര്‍പൂവിനും
ഇടയില്‍ കുടുങ്ങി വിറപൂണ്ട ഒരു പ്രണയം
കണ്ണില്‍ ഒരുങ്ങി നില്‍ക്കുന്ന മഴയില്‍,
ഒരു വിറവാക്കില്‍
അവനെക്കൊണ്ട്‌ അഴിച്ചെടുപ്പിച്ചത്
ഉന്മാദത്തിന്റെ വയലറ്റ് പൂവുകള്‍
മറ്റൊരു നിറ ചാര്‍ത്തില്‍
ഒരു മന്ദസ്മിതത്തില്‍ കുതിര്‍ന്നു മരവിച്ചത്‌
കിനാവിന്റെ മൗന-സൈകതങ്ങള്‍ പിന്നെ,
ഏതോ നിശ്വാസക്കാറ്റില്‍
കൊഴിഞ്ഞു തകര്‍ന്നത്
ഒടുവിലൊരു പ്രളയം
എല്ലാം തുടച്ചെടുത്തത് !!
ബ്ലര്‍...
മതി, കട്ട്...!!
പഴകി നീലിച്ച ഈര്‍പ്പം
പൊതിഞ്ഞുപിടിച്ച
സെപിയ ഫ്രെയ്മില്‍
അസ്ഥികളെ കിടുകിടുപ്പിച്ചു
കുളിരൂതുന്ന ശൈത്യകാലം.
നഖമുനകള്‍ക്കും പനിനീര്‍പൂവിനും
ഇടയില്‍ കുടുങ്ങി വിറപൂണ്ട ഒരു പ്രണയം
കണ്ണില്‍ ഒരുങ്ങി നില്‍ക്കുന്ന മഴയില്‍,
ഒരു വിറവാക്കില്‍
അവനെക്കൊണ്ട്‌ അഴിച്ചെടുപ്പിച്ചത്
ഉന്മാദത്തിന്റെ വയലറ്റ് പൂവുകള്‍
മറ്റൊരു നിറ ചാര്‍ത്തില്‍
ഒരു മന്ദസ്മിതത്തില്‍ കുതിര്‍ന്നു മരവിച്ചത്‌
കിനാവിന്റെ മൗന-സൈകതങ്ങള്‍ പിന്നെ,
ഏതോ നിശ്വാസക്കാറ്റില്‍
കൊഴിഞ്ഞു തകര്‍ന്നത്
ഒടുവിലൊരു പ്രളയം
എല്ലാം തുടച്ചെടുത്തത് !!
ബ്ലര്‍...
മതി, കട്ട്...!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ